Doly News

នាព្រឹកថ្ងៃទី23 ខែឧសភា ឆ្នាំ2025នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអញ្ជើញដឹកនាំប្រជុំពេញអង្គគណ:រដ្ឋមន្ត្រីដើម្បីពិនិត្យ និងពិភាក្សាលើរបៀបវារៈចំនួន2 ក្នុងនោះមានទី 1 / ការពិនិត្យ និងពិភាក្សាលើ សេចក្តីព្រាងរបាយការណ៍វឌ្ឍនភាពនៃការអនុវត្តវិធានការមុតស្រួចដែលបានដាក់ចេញក្នុងវេទិការាជរដ្ឋាភិបាល-ផ្នែកឯកជន លើកទី19 ប្រចាំឆមាសទី2 ឆ្នាំ2025 និងទី 2 / ការពិនិត្យ និងសម្រេចលើ សេចក្តីព្រាងរបាយការណ៍វឌ្ឍនភាពនៃការតាមដាន និងត្រួតពិនិត្យ ការអនុវត្តយុទ្ធសាស្ត្របញ្ចកោណ- ដំណាក់កាលទី1 ក្នុងឆ្នាំ2024 ! #dolynews

នាព្រឹកថ្ងៃទី23 ខែឧសភា ឆ្នាំ2025នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព។ #dolynews

នាព្រឹកថ្ងៃទី22 ខែឧសភា ឆ្នាំ2025នេះ កងទ័ពរំដោះប្រជាជនចិនរួមចំណែកលើកកម្ពស់គុណភាពសិក្សានៅជនបទ ខេត្តកំពង់ឆ្នាំង : តំណាងកងទ័ពរំដោះប្រជាជនចិនដែលបានចូលរួមក្នុងលំហាត់នាគមាសឆ្នាំ2025 បានផ្តួចផ្តើមអនុវត្តសកម្មភាពមនុស្សធម៌​ ដោយប្រគល់សម្ភារសិក្សាជាច្រើនប្រភេទដល់សិស្សានុសិស្សក្នុងសាលាបឋមសិក្សាតាំងខ្មៅ ស្ថិតនៅក្នុងឃុំពាម ស្រុកសាមគ្គីមានជ័យ ខេត្តកំពង់ឆ្នាំង ដោយមានការប្រគល់នូវសម្ភារសិក្សារួមមានកាតាប សៀវភៅផាត់ពណ៌ ខ្មៅដៃ សម្ភារៈសិក្សាជាច្រើន រួមជាមួយសម្ភារកីឡាមួយចំនួនធំដូចជា តាបប៉េងប៉ុង តារាងវាយសីជាដើម ក្នុងគោលបំណងលើកទឹកចិត្តដល់ការសិក្សារបស់សិស្សានុសិស្សនៅជនបទ។ យ៉ាងណាមិញការប្រគល់សម្ភារនេះក្រោមអធិបតីភាពរបស់លោកស្រីអភិបាលរងស្រុកសាមគ្គីមានជ័យ រួមជាមួយអាជ្ញាធរមូលដ្ឋាន លោកនាយក គណៈគ្រប់គ្រង គ្រូបង្រៀននិងសិស្សានុសិស្សដែលពោរពេញដោយក្តីសោមនស្សរីករាយយ៉ាងខ្លាំង។ សូមជម្រាបជូនថាលោកវរសេនីយ៍ឯក​ Chen Yajun តំណាងកងទ័ពរំដោះប្រជាជនចិនបានថ្លែងយ៉ាងដូច្នេះថា «កងទ័ពរំដោះប្រជាជនចិនមានកិត្តិយសយ៉ាងខ្លាំងក្នុងការចូលរួមចំណែកគាំទ្រដល់ការអប់រំរបស់កុមារកម្ពុជាដែលជាអនាគតរបស់ជាតិ…

អ្នកនាំពាក្យ ចាត់ទុកវត្តមានក្រុមហ៊ុនជាង២០០ទៀតនៅព្រះសីហនុ ជាមនុញ្ញផលនៃសន្តិភាព និងភាពកក់ក្ដៅនៃសន្តិសុខសណ្ដាប់ធ្នាប់! ការទទួលបានក្រុមហ៊ុនវិនិយោគចំនួន២០០ នៅតំបន់សេដ្ឋកិច្ចពិសេសក្រុងព្រះសីហនុ គឺជាសារបញ្ជាក់យ៉ាងច្បាស់ អំពីភាពល្អប្រសើរនៃដំណើរការសង្គម និងសេដ្ឋកិច្ច នៅក្នុងខេត្តភាគនិរតីមួយនេះ ជាពិសេសគឺបង្ហាញឱ្យឃើញពីមនុញ្ញផលនៃសុខសន្តិភាព និងការផ្ដល់ទំនុកចិត្តរបស់ក្រុមវិនិយោគទុនជាតិ និងអន្តរជាតិ ចំពោះការគ្រប់គ្រងសន្តិសុខសណ្តាប់ធ្នាប់សាធារណៈរបស់រាជរដ្ឋាភិបាលកម្ពុជា។ នេះបើតាមលោក ទូច សុឃៈ អ្នកនាំពាក្យរងក្រសួងមហាផ្ទៃ។ ការលើកឡើងពីអ្នកនាំពាក្យរងក្រសួងមហាផ្ទៃ បានធ្វើឡើងក្នុងឱកាសនាថ្ងៃទី២២ ខែឧសភា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានអញ្ជើញជាអធិបតីក្នុងពិធីអបអរសាទរ ការទទួលបានក្រុមហ៊ុនវិនិយោគចំនួន២០០ នៅតំបន់សេដ្ឋកិច្ចពិសេសក្រុងព្រះសីហនុ…

នារសៀលថ្ងៃទី22 ខែឧសភា ឆ្នាំ2025នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំស្តាប់របាយការណ៍ស្តីពីការងារសន្តិសុខប្រចាំសប្តាហ៍ របស់អគ្គស្នងការដ្ឋាននគរបាលជាតិ នៅសាលប្រជុំ វរជ័យ នៃទីស្តីការក្រសួងមហាផ្ទៃ។ #dolynews

១០ថ្ងៃ មកនេះ មន្រ្តី អត្តសញ្ញាណកម្មផ្តល់សេវាជូនពលរដ្ឋជាង ១ម៉ឺនសេវាទៀត នៅទូទាំងប្រទេស! ការងារផ្តល់សេវាអត្តសញ្ញាណកម្ម បាននិងកំពុងផ្តល់ជូនប្រជាពលរដ្ឋ និងព្រះសង្ឃជាច្រើនអង្គ/នាក់ជាប្រក្រតី និងប្រកបដោយការយកចិត្តទុកដាក់ពីមន្រ្តីដែលបម្រើសេវានៅតាមបណ្ដាមូលដ្ឋានក្នុងរាជធានី ខេត្ត។ ជាក់ស្ដែងក្នុងរយៈពេល១០ថ្ងៃមកនេះ មន្រ្តីអត្តសញ្ញាណកម្ម បានបន្តផ្តល់សេវាជូនពលរដ្ឋជាង១ម៉ឺនសេវា ដោយសេវាទាំងនោះជាអាទិ៍ អត្តសញ្ញាណបណ្ណសញ្ជាតិខ្មែរ ជាង៩ពាន់សេវា សេវាលិខិតឆ្លងដែនជាង៥ពាន់ក្បាល និងលិខិតធ្វើដំណើរជាង១ពាន់ក្បាល។ នេះបើតាមរបាយការណ៍ស្ដីពីការងារអត្តសញ្ញាណកម្ម។ សូមបញ្ជាក់ថាសេវាអត្តសញ្ញាណបណ្ណសញ្ជាតិខ្មែរផ្តល់នៅទីតាំងរួមមាន នាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម ដែលស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ ផ្សារទំនើបអ៊ីអន២ និង ផ្សារទំនើបអ៊ីអនមានជ័យ(អ៊ីអន៣) ក្នុងនោះក៏ធ្វើនៅតាមបណ្ដាប៉ុស្ដិ៍នគរបាលរដ្ឋបាល…

នាព្រឹកថ្ងៃព្រហស្បតិ៍ ថ្ងៃទី22 ខែឧសភា ឆ្នាំ2025នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា បានអញ្ជើញជាអធិបតីក្នុងកិច្ចប្រជុំក្រុមការងារព័ត៌មានផ្សព្វផ្សាយរបស់ សមាគមអតីតយុទ្ធជនកម្ពុជា និងផ្ដល់អនុសាសន៍ឱ្យធ្វើពង្រាងវិសោធនកម្មលក្ខន្តិកៈ សមាគមអតីតយុទ្ធជនឲ្យមានវិសាលភាពគ្របដណ្តប់ទៅលើនិវត្តជនទាំងអស់ ដោយរួមបញ្ចូលទាំងមន្ត្រីរាជការចូលនិវត្តន៍ គ្រូបង្រៀនចូលនិវត្តន៍ កងកម្លាំងប្រដាប់អាវុធគ្រប់ប្រភេទចូលនិវត្តន៍ នៅវិមាន7មករា រាជធានីភ្នំពេញ ។ #dolynews

នាព្រឹកថ្ងៃទី22 ខែឧសភា ឆ្នាំ2025នេះ ឯកឧត្តមអភិសន្តិបណ្ឌិត ស សុខា តំណាងរាស្ត្រមណ្ឌលខេត្តព្រៃវែង បានអញ្ជើញចូលរួមបើកសម័យប្រជុំរដ្ឋសភា លើកទី4 នីតិកាលទី7 ក្រោមអធិបតីភាពដ៏ខ្ពង់ខ្ពស់សម្តេចមហារដ្ឋសភាធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា នៅសាលប្រជុំវិមានរដ្ឋសភា។ #dolynews

សេចក្តីជូនដំណឹង ស្ដីពីតម្លៃប្រេងឥន្ធនៈនៅតាមស្ថានីយចាប់ពីថ្ងៃទី21 រហូតដល់ថ្ងៃទី31 ខែឧសភា ឆ្នាំ2025នេះ ប្រេងសាំងធម្មតាលក់ក្នុងតំលៃ3,750រៀល/លីត្រ ( ឡើងថ្លៃ 50៛ ) ចំណែកប្រេងម៉ាស៊ូតលក់ក្នុងតំលៃ 3,500 រៀល/លីត្រ ( ឡើងថ្លៃ 50រ ) ។ #dolynews

១០ថ្ងៃ មន្ត្រីមូលដ្ឋាន ផ្សព្វផ្សាយគោលនយោបាយភូមិ-ឃុំ-សង្កាត់មានសុវត្ថិភាពជាង ៣ពាន់លើក ទូទាំងប្រទេស! ក្នុងរយៈពេល១០ថ្ងៃ មន្រ្តីអាជ្ញាធរមានសមត្ថកិច្ចបានបន្តធ្វើសកម្មភាពផ្សព្វផ្សាយគោលនយោបាយភូមិ-ឃុំ-សង្កាត់មានសុវត្ថិភាពជាង៣ពាន់លើក។ បើតាមរបាយការណ៍ដែលក្រុមមន្រ្តីព័ត៌មាននៃក្រុមអ្នកនាំពាក្យក្រសួងមហាផ្ទៃទទួលបាន ការផ្សព្វផ្សាយគោលនយោបាយនេះ បានធ្វើឡើងនៅតាមវេទិកាសាធារណៈ តាមខ្នងផ្ទះ សាលារៀន វត្តអារាម និងកម្មវិធីនានា ដែលមានប្រជាពលរដ្ឋចូលរួមសរុបជាង១សែននាក់។ អ្នកនាំពាក្យរងក្រសួងមហាផ្ទៃ លោកបណ្ឌិត ទូច សុឃៈ មានប្រសាសន៍ថា ការផ្សព្វផ្សាយគោលនយោបាយភូមិ-ឃុំ-សង្កាត់មានសុវត្ថិភាពធ្វើឡើងក្នុងគោលបំណងលើកកម្ពស់ការយល់ដឹងរបស់ប្រជាជន ដើម្បីបំផុសឱ្យមានការចូលរួមទប់ស្កាត់អំពើរល្មើស បញ្ហាសង្គម ព្រមទាំងបង្កើនសុខដុមនីយកម្មក្នុងសង្គម។ សូមបញ្ជាក់ថា គោលនយោបាយភូមិ-ឃុំ-សង្កាត់មានសុវត្ថិភាពមានលក្ខណៈសម្បត្តិ៧ រួមមាន ១.ការផ្ដល់សេវាសាធារណៈ ២.ទប់ស្កាត់បទល្មើសក្នុងសង្គម ៣.មានសណ្តាប់ធ្នាប់សាធារណៈល្អ…