ច្រើនឆ្នាំយ៉ាងណាក៏ដោយឃាតករសម្លា..ប់ស្ដ្រីម្នាក់ ក្នុងបន្ទប់ទឹកនៃសណ្ឋាគារណាហ្គា1 កាលពីឆ្នាំ2023 ត្រូវបានកម្លាំងជំនាញ ក្របួចជាប់
រាជធានីភ្នំពេញ : ដោយអនុវត្តតាមបទរបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នាថ្ងៃទី28 ខែសីហា ឆ្នាំ2025នេះ លោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន បានដឹកនាំកម្លាំងជំនាញ សហការជាមួយស្នងការដ្ឋាននគរបាលខេត្តកណ្ដាល ចាប់ខ្លួនជនដៃដល់ម្នាក់ពាក់ព័ន្ធករណីឃាតកម្មសម្លា..ប់ស្ដ្រីម្នាក់ នៅក្នុងបន្ទប់ទឹកនៃសណ្ឋាគារណាហ្គា1 កាលពីឆ្នាំ2023។
គួរជម្រាបជូនថាការចាប់ខ្លួននេះ ធ្វើឡើងដោយអនុវត្តតាមដីកាបង្គាប់ឲ្យចាប់ខ្លួន-ឃុំខ្លួន លេខ1202 (ឆ.1)ដ.ច.ន/24 ចុះថ្ងៃទី1 ខែសីហា ឆ្នាំ2024 របស់លោក ហម ម៉េងសែ ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ លើឈ្មោះ សេង ពៅ ភេទប្រុស អាយុ25ឆ្នាំ ជនជាតិខ្មែរ អាសយដ្ឋានបន្ទប់ជួល ផ្លូវលេខ1974 សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ពីបទ «ឃាតកម្ម និងលួចមានស្ថានទម្ងន់ទោសដោយសារការប្រព្រឹត្តិអំពេីហិង្សា»។
ចំណែកជនដៃដល់ត្រូវបានចាប់ខ្លួននៅចំណុចភូមិព្រែកស៉ឹង សង្កាត់សំពៅពួន ក្រុងសំពៅពូន ខេត្តកណ្ដាល ហើយបច្ចុប្បន្នបានបញ្ជូនមកកាន់នាយកដ្ឋាននគរបាលព្រហ្មទណ្ឌ ដើម្បីចាត់ការបន្ដតាមនីតិវិធី៕
#dolynews
