តតាមប្រភពច្បាស់ការពីមន្ត្រីជាន់ខ្ពស់ដែលទទួលបន្ទុកបង្ក្រាបបទល្មេីសឆបោកតាមអនឡាញ (online scam ) បានអោយដឹងថា ទ្រព្យសម្បត្តិរបស់លោក នួន នីណារ៉ូ អតីតមេបញ្ជាការកងរាជអាវុធហត្ថក្រុងប៉ោយប៉ែត ហើយបច្ចុប្បន្នជានាយរងសេនាធិការកងរាជអាវុធហត្ថខេត្តបន្ទាយមានជ័យ ចំនួ9ទីតាំង ត្រត្រូវបានតុលាការបង្កកហើយ ព្រោះពាក់ព័ន្ធបទល្មើសឆបោកតាមអនឡាញ (online scam) ។ ក្រៅពីបង្កកទ្រព្យសម្បត្តិរបស់ លោក នួន នីណារ៉ូ ចំនួន 9ទីតាំង តុលាការក៏បានចេញដីកាបង្គាប់ឲ្យនាំខ្លួនឈ្មោះ នួន នីណារ៉ូ ផងដែរ។ ពេលនេះ លោក នួន នីណារ៉ូ កំពុងរត់គេចខ្លួនពីសំណាញ់ច្បាប់ ។
សូមបញ្ជាក់ជូនផងដែរថា កន្លងមកថ្មីៗនេះ កម្លាំងអគ្គស្នងការដ្ឋាននគរបាលជាតិ បានចុះបង្ក្រាបបទល្មើសឆបោកតាមអនឡាញ នៅក្រុងប៉ោយប៉ែត និងបានចុះដល់ទីតាំងមួយកន្លែងដែលមានជនបរទេសជាង 600នាក់ កំពុងប្រព្រឹត្តិបទល្មើសឆបោកតាមអនឡាញ ននិងដកហូតបានវត្ថុតាងមួយចំនួន ដោយឡែកជនបរទេសជាង 600នាក់ ត្រូវបានបញ្ជូនចេញទៅប្រទេសដេីមវិញ។ ទីតទីតាំងនោះត្រូវបានអោយដឹងថាជារបស់លោក នួន នីណារ៉ូ នាយរងសេនាធិការ កងរាជអាវុធហត្ថខេត្តបន្ទាយមានជ័យ ។
យ៉ាងណាមិញនេះជាសក្ខីភាពមួយបញ្ជាក់ច្បាស់ៗថា រាជរដ្ឋាភិបាលមិនអត់ឱន មិនយោគយល់ចំពោះ ម្ចាស់ទីតាំង ឬ បុគ្គលណាដែលប្រព្រឹត្តបានឡើយ ហេីយ នៅតែបំពានច្បាប់នោះទេ ។ ដូច្នេះសូមម្ចាស់អាគារ ម្ចាស់ទីតាំងទាំងឡាយ មេត្តាចូលរួមសហការជាមួយសមត្ថកិច្ច ជាមួយរាជរដ្ឋាភិបាល ដេីម្បីលុបបំបាត់បទល្មើសឆបោកតាមអនឡាញ (online scam) អោយអស់ពីប្រទេសយើង ។
ជាពិសេសសូមឈប់ជួល ឬឈប់ផ្ដល់ទីតាំងអោយពួកឧក្រិដ្ឋជនឆបោកតាមអនឡាញ (online scam) ទៅ។
#dolynews